නෑබඩ ශ්‍රී විජයාරාම විහාරස්ථ සෑ රජුන්ගේ තීන්ත ආලේප කිරීමේ අසිරිමත් පින්කම

ඉතින් පෙර සසරේ සිදුකළ අති උත්තම පිනකට බුදුරජාණන් වහන්සේගේ සර්වඥ ධාතූන් වහන්සේලාද, අරහත් ධාතූන් වහන්සේලා ද වැඩ වසන නෑබඩ ශ්‍රී විජයාරාම විහාරස්ථ ස්ථූපය මනාව පිරිසිදු කරමින් ,පිළිසතර කරමින් ඉතාම ශ්‍රද්ධාවෙන් යුතුව තීන්ත ආලේප කිරීමේ දුර්ලභ අවස්ථාව අප සැමට පසුගිය දිනක උදා විය. අධික වර්ෂා කාලයක වුවද අප සෑමවිටම මහරහතන් වහන්සේ ගේ ගුණ සිහි කරමින් ම මෙම වර්ෂාවට අපගේ වීර්ය හීන වන්නට නොදී මෙම අසිරිමත් පිංකම අප සැම එක්වී සිදු කරන ලදී. ජීවිත කාලයේදී ම අපට බුදුරජාණන් වහන්සේට මහ රහතන් වහන්සේලාට වහන්සේට මෙතරම් උපස්ථානයක් සිදුකර ගැනීමට නැවතත් අවස්ථාවක් උදාවේ යැයි සිතිය නොහැක.

ඉතින් ඉතාම ශ්‍රද්ධාවෙන් සිදුකළ මෙම අසිරිමත් තීන්ත ආලේප කිරීමේ පුණ්‍ය කර්මයෙන් රැස් වූ පුණ්‍ය ධර්මයෝ මේ සඳහා මූල්‍ය දායකත්වය දැරූ චානක මදුසංක මිතුරාටද එම පවුලේ සැමටද ඇතුළු කල්‍යාණ මිතුරන්ටද අප්‍රතිහත කැපවීමකින් කාය පූජාවෙන් සම්බන්ධ වූ “සසුන් කෙත අස්වද්දමු” මිතුරු කැලට ද සෙනසුනේ විහාරාධිපති ස්වාමීන් වහන්සේ ඇතුළු සියලු ස්වාමීන් වහන්සේලාට ද රැස් කළ සියලු පින් අනුමෝදන් කරන අතර සියලූම පුණ්‍ය ධර්මයෝ පින් කැමති සියල්ලන් හටම නිවන් පිණිසම හේතු වේවා !

දාගැබ් පිළිසතර කිරීමේ ආනිසංස