බද්දේගම තෙලිකඩ සුනන්දාරාම පුරාණ විහාරස්ථානයේ සෑ රජාණන් වහන්සේ හා පරිවාර සෑ වහන්සේලා හතර නමගේ තීන්ත ආලේප කිරීමේ පින්කම.

ඉතින් පෙර සසරේ සිදුකළ අති උත්තම පිනකට බුදුරජාණන් වහන්සේගේ සර්වඥ ධාතූන් වහන්සේලාද , අරහත් ධාතූන් වහන්සේලා ද වැඩ වසන බද්දේගම තෙලිකඩ සුනන්දාරාම පුරාණ විහාරස්ථ ස්ථූපය මනාව පිරිසිදු කරමින් , පිළිසතර කරමින් ඉතාම ශ්‍රද්ධාවෙන් යුතුව තීන්ත ආලේප කිරීමේ දුර්ලභ අවස්ථාව අප සැමට පසුගිය දිනක උදා විය. අධික වර්ෂා කාලයක වුවද අප සෑමවිටම මහරහතන් වහන්සේලාගේ ගුණ සිහි කරමින් ම මෙම වර්ෂාවට අපගේ වීර්ය හීන වන්නට නොදී මෙම අසිරිමත් පින්කම අප සැම එක්වී සිදු කරන ලදී. ජීවිත කාලයේදී ම අපට බුදුරජාණන් වහන්සේට, මහරහතන් වහන්සේලාට මෙතරම් උපස්ථානයක් සිදුකර ගැනීමට නැවතත් අවස්ථාවක් උදාවේ යැයි සිතිය නොහැක. ඉතින් ඉතාම ශ්‍රද්ධාවෙන් සිදුකළ මෙම අසිරිමත් තීන්ත ආලේප කිරීමේ පුණ්‍ය කර්මයෙන් රැස් වූ පුණ්‍ය ධර්මයෝ මේ සඳහා මූල්‍ය දායකත්වය දැරූ..

උපේක්ෂ රුවන් මිතුරා ,
හංසි චන්ද්‍රසේකර මිතුරිය ඇතුලු

පවුලේ සැමට ද ,

“සසුන් කෙත අස්වද්දමු” පින්කම් සඳහා මූල්‍යමය දායකත්වය ලබා දෙන සියලු දෙනාට ද , ආහාර පාන ලබා දුන් සියලු දෙනාට ද , මෙම පින්කම සම්බන්ධීකරණය කර දුන් නුවන් තෙන්නකෝන් මිතුරා ඇතුළු කල්‍යාණ මිතුරන්ට ද , අප්‍රතිහත කැපවීමකින් කාය පූජාවෙන් සම්බන්ධ වූ “සසුන් කෙත අස්වද්දමු” මිතුරු කැලට ද සෙනසුනේ විහාරාධිපති ස්වාමීන් වහන්සේ ඇතුළු සියලු ස්වාමීන් වහන්සේලාට ද රැස් කළ සියලු පින් අනුමෝදන් කරන අතර සියලූම පුණ්‍ය ධර්මයෝ පින් කැමති සියල්ලන් හට නිවන් පිණිසම හේතු වේවා !

දාගැබ් පිළිසතර කිරීමේ ආනිසංස..

1. ශරීරයේ විවිධ රෝග හට නොගනී.
2.ශරීරයේ කිසිම කැළලක් හට නොගනී.
3.දිව්‍ය මනුෂ්‍ය දෙගතියෙහි උත්පත්තිය ලබයි.
4.රන්වන් බැබළෙන ශරීරයක් සියලු භවයන්හි ලබයි.
5.අපි‍්‍රයයන් එක්වීමක් සිදු නොවේ. පි‍්‍රයයන් හා එක්වේ.
6.මිනිස් ලොව රජ, මැති, ඇමැති පදවි ලැබේ.
7.සක්විති රජ පදවිය හිමි වේ.
8.සක්දෙව් පදවිය ලබන්නට සුදුසු වේ.
9.ප්‍රඥාවන්ත වේ. ගුණයෙන් ධනයෙන් පොහොසත් වේ.
10.අරහත් පදවියට අපහසුවෙන් තොරව ළං වේ.
11.නිර්වාණය අවබෝධ වේ.
12.එතෙක් කිසිදු දුගතියක නූපදී.

තෙරුවන් සරණයි..!

” සසුන් කෙත අස්වද්දමු ” පින්කම් සඳහා ශ්‍රමයෙන් සම්බන්ධ වීම සඳහා..