වටරැක, මීගොඩ ශ්‍රී කපිලවස්තු විහාරයේ සෑ රජුන්ගේ තීන්ත ආලේප කිරීමේ පින්කම

ඉතින් පෙර සසරේ සිදුකළ අති උත්තම පිනකට බුදුරජාණන් වහන්සේගේ සර්වඥ ධාතූන් වහන්සේලාද , අරහත් ධාතූන් වහන්සේලා ද වැඩ වසන වටරැක, මීගොඩ ශ්‍රී කපිලවස්තු විහාරස්ථ ස්ථූපය මනාව පිරිසිදු කරමින් , පිළිසතර කරමින් ඉතාම ශ්‍රද්ධාවෙන් යුතුව තීන්ත ආලේප කිරීමේ දුර්ලභ අවස්ථාව අප සැමට පසුගිය දිනක උදා විය. අධික වර්ෂා කාලයක වුවද අප සෑමවිටම මහරහතන් වහන්සේ ගේ ගුණ සිහි කරමින් ම මෙම වර්ෂාවට අපගේ වීර්ය හීන වන්නට නොදී මෙම අසිරිමත් පින්කම අප සැම එක්වී සිදු කරන ලදී. ජීවිත කාලයේදී ම අපට බුදුරජාණන් වහන්සේට, මහරහතන් වහන්සේලාට මෙතරම් උපස්ථානයක් සිදුකර ගැනීමට නැවතත් අවස්ථාවක් උදාවේ යැයි සිතිය නොහැක.

ඉතින් ඉතාම ශ්‍රද්ධාවෙන් සිදුකළ මෙම අසිරිමත් තීන්ත ආලේප කිරීමේ පුණ්‍ය කර්මයෙන් රැස් වූ පුණ්‍ය ධර්මයෝ මේ සඳහා රු. 30000 ක මුදලක් ලබා දී මූල්‍ය දායකත්වය දැරූ Nalin Palapathwela (නලින් පලාපත්වල) අයියා ඇතුලු පවුලේ සැමට ද , ආහාර පාන ලබා දුන් සියලු දෙනාට ද , මෙම පින්කම සම්බන්ධීකරණය කර දුන් ධනුෂ්ක , මනෝජ්, උජිත් , රොශාන්ත ඇතුළු කල්‍යාණ මිතුරන්ට ද , “සසුන් කෙත අස්වද්දමු” මිතුරු කැල සිදුකරනු ලබන පින්කම් අගය කරනු වස් මෙම ස්ථානයට පැමිණ පිංකමට සම්බන්ධවූ ජනාධිපති පුද්ගලික ලේකම් සුගීෂ්වර බණ්ඩාර මැතිතුමා ඇතුළු ජනාධිපති කාර්ය මන්ඩලයේ සියලු සාමාජිකයන්ට ද , අප්‍රතිහත කැපවීමකින් කාය පූජාවෙන් සම්බන්ධ වූ “සසුන් කෙත අස්වද්දමු” මිතුරු කැලට ද කපිලවස්තු සෙනසුනේ විහාරාධිපති ස්වාමීන් වහන්සේ ඇතුළු සියලු ස්වාමීන් වහන්සේලාට ද රැස් කළ සියලු පින් අනුමෝදන් කරන අතර සියලූම පුණ්‍ය ධර්මයෝ පින් කැමති සියල්ලන් හට නිවන් පිණිසම හේතු වේවා !

දාගැබ් පිළිසතර කිරීමේ ආනිසංස