ඔක්කම්පිටිය දෙමටමල් විහාරයේ ස්තූපයේ ප්‍රතිසංස්කරණය උදෙසා සිමෙන්ති හා ගඩොල් පූජා කිරීමේ අසිරිමත් පින්කම.

ක්‍රි.පූ. 03 වෙනි ශතවර්ෂයේ දී රුහුණු රටට පලාගිය දෙවන පෑතිස් රජුගේ ජේෂ්ඨ මලණුවන් වූ මහානාග යුව රජු විසින් රෝහණයේ ඉදිකළ විහාරයක් ලෙස දෙමටමල් විහාරය හැඳින්විය හැක. ජනප්‍රවාදයට අනුව දෙමටමල් විහාරය සද්ධාතිස්ස කුමාරයාට ජීවිත ආරක්ෂාව සැලසු ස්ථානය මෙන්ම දුටුගැමුණු සද්ධාතිස්ස රජුන් සමගි වූ ස්ථානය ලෙස ද ජනප්‍රවාදයේ සඳහන් වේ. මෙහි අදටත් ඉපැරණි ස්තූපයේ යූප ගල් හා කොත්කැරැල්ල ද , ඉපැරණි විහාර මන්දිරය ද , කොරවක් ගල ද , බෝසත් ප්‍රතිමා වහන්සේ ද , නාග කන්‍යාවක් හා නාගරාජයෙක් නිරූපණය වන ලෙස දුර්ලභ ගණයේ මුරගලක් ද , පුරාණ භික්ෂු කුටිවල නටබුන් ද අදටත් මෙම පින්බිමේ දැක ගත හැක.

ඉතින් මෙම අසිරිමත් පුදබිමේ ඉපැරණි ස්තූපය මේ වන විට ඉරිතලමින් යන අතර පුරාවිද්‍යා ආයතනය මගින් මෙම සෑ රජුන් ප්‍රතිසංස්කරණය කිරීමට ආරම්භ කර ඇත. ඉතින් පෙර සසරේ අති උත්තම පිනකට අපට මෙම සෑ රජුන්ගේ ප්‍රතිසංස්කරණ කටයුතු උදෙසා සිමෙන්ති කොට්ට 50කින්ද ගඩොල් කැට 3258 කින්ද දායකත්වය දරමින් පූජා කිරීමේ දුර්ලභ අවස්ථාව 2020.10.20 වන අද දින උදා වූවා

දෙමටමල් විහාර ස්ථූප රාජයාණන් වහන්සේ උදෙසා සිමෙන්ති හා ගඩොල් පූජා කිරීමෙන් රැස්වූ සියලු පුණ්‍ය ධර්මයෝ මෙම පින්කම සම්බන්ධීකරණය සිදුකළ ක්‍රිශාන්ත අයියාට ටද විහාරාධිපති ස්වාමීන් වහන්සේට ද , ටිරෝන් මිතුරාටද , සමීර මදුසංක මිතුරාටද , මූල්‍යමය දායකත්වය දැරූ..