ලංකාදීපය පුරා විසිරී සිටින ❛❛සසුන් කෙත අස්වද්දමු❜❜ මිතුරු කැල විවිධ ප්‍රදේශයන් සිසාරා සැරිසරමින් අලංකාර වනමල් වර්ග 250 කට අධික ප්‍රමාණයක් එක්රැස් කරමින් , මනරම් ලෙස සකසමින් රන්වැලි සෑ රදුන් උදෙසා පූජා කළ සුපින්බර අවස්ථාවේ සියලු දසුන් ඔබත් ඉතා සතුටු සිතින් යුතුව දැකබලා අනුමෝදන් වෙත්වා !
මෙහිදී අනේකවිද වනමල් පූජාවන්ට අමතරව විනයානුකූලව පඬු පෙවූ සුගත චීවරය ද , අෂ්ඨ පරිෂ්කාර ද , මනරම් මුතුකුඩ පූජාවන් ද , සුවඳ පූජාවන් ද , මිරිවැඩි සඟල් පූජාවන් ද , චතු මධුර , ගිලන් පස , අෂ්ඨ පාන ආදී පූජාවන් ද ආදී කොටගත් අනේකවිධ පූජාවන් රන්වැලි සෑ රජුන් උදෙසා පූජා කෙරිණි.
මෙම වනමල් පූජාව අවසානයේදී පින්වත් කිරුලපන ධම්මවිජය ස්වාමින් වහන්සේ විසින් පුණ්‍යානූමෝදනාත්මක ධර්ම දේශනාවක් ද සිදුකරන ලදී.
නම් සඳහන් කළ නොහැකි තරම් අලංකාර මල් වර්ග සොයා දුන් සියලුදෙනාට ද , මල් ප්‍රවාහනය කර දුන් සියලු දෙනාට ද , සුගත චීවර සැකසීම පිණිස මූලිකත්වය ගත් නුවන් අයියා ඇතුලු සියලු දෙනාට ද , මනරම් දෝලාවන් සැකසූ කිත්සිරි අයියා ඇතුලු සියලු දෙනාට ද , අෂ්ඨපාන – චතුමධුර සැකසූ සියලු දෙනාට ද , පින්කම සඳහා මූල්‍යමය දායකත්වය දැරූ සියලුදෙනාට ද , අවවාද අනුශාසනා කරමින් මෙවන් පින්කමකට උපකාර කළ පින්වත් කිරුලපන ධම්මවිජය ස්වාමීන් වහන්සේට ද , පින්කැමති සියල්ලන්ට ද මෙත් සිතින් යුක්තව රැස් කළ සියලු පින් අනුමෝදන් කරන අතර සියලූම පුණ්‍ය ධර්මයෝ පින් කැමති සියල්ලන් හටම නිවන් පිණිසම හේතුවේවා !
තෙරුවන් සරණයි !
සාදූ ! සාදූ ! සාදූ !
” සසුන් කෙත අස්වද්දමු ” පින්කම් සඳහා ශ්‍රමයෙන් සම්බන්ධ වීම සඳහා..
අමතන්න ඉසුරු – 0715945477
එක් වන්න අප සමග…….
Web Site :- https:// www. sasunketha.org
Fb Page :- https://www.facebook.com/SasunKethaAswaddamu/
Fb Group :- https://www.facebook.com/groups/1715908338447393
YouTube :- https://www.youtube.com/channel/UCkMxFfCWNYLe_hVYDKSObnw
Leave a Reply
Your email is safe with us.