සාරිපුත්ත, ආනන්ද , නන්ද , රාහුල ආදී මහරහත් පරපුරෙන් පැවතෙන ආර්ය මහා සංඝරත්නය අරමුණු කරගනිමින් පින්වත් රාජගිරියේ අරියඥාණ ස්වාමින් වහන්සේටත් බුදුගල්ලෙන ආරණ්‍යයේ ලොකු ස්වාමින් වහන්සේටත් විශේෂයෙන් සකස්කල චීනයෙන් ගෙන්වන ලද භාවනා මදුරු දැල් , පාත්‍රා , ධර්ම පුස්ථක , සිවුරු , ගිලන්පස ආදී අපමණ පූජාවන් සිදු කරමින් රාජගිරියේ අරියඥාණ ස්වාමින් වහන්සේ සමග පැය එකහමාරක පමණ කාලයක් ධර්ම සාකච්ඡාව කිරීම සිදුකරන ලදී.
උතුම් ගුණධර්ම වලින් හෙබි සිල්වත් ලංකාවේ අතිශය දුර්ලභ දුෂ්කර ආරණ්‍ය සේනාසන ගණනාවක වැඩසිටි පූජණීය රාජගිරියේ අරියඥාණ ස්වාමීන් වහන්සේගේ ධර්ම දේශනාව ශ්‍රවණය කරමින් , උන් වහන්සේගේ කුටියටම ගොස් පැය එකහමාරක් පමණ අපට ධර්ම සාකච්ඡා කරමින් , ගිලන්පස , පිරිකර පූජා කරමින් සංඝ උපස්ථාන සිදුකරමින් දිනය පුරා අප්‍රමාණ පිනක් රැස්කර ගැනීමේ අවස්ථාව අප සැමට උදා වීම භාග්‍යක්මය.
දිනය පුරා රැස්කරගත්තා වූ සියලු පුණ්‍ය ධර්මයෝ පින්කම සම්බන්ධීකරණය කර දුන් බුදු ගල්ලෙන ආරණ්‍යයේ පින්වත් උඩුවර ධම්මරක්ඛිතාභිදාන මා හිමි පානන්ට ද , අපට ධාර්මික අනුශාසනා සිදුකළ පින්වත් රාජගිරියේ අරියඥාණ ස්වාමින් වහන්සේට ද , රවී මල්ලීට ද , ප්‍රවාහන පහසුකම් සලසා දුන් සමීර මිතුරාට ද , විශේෂයෙන් සකස් කළ භාවනා මදුරු දැල් ලබා දුන් පින්වත් නදී පෙරේරා අක්කාට ද , පිරිකර සම්පාදනය කර දුන් “සසුන් කෙත අස්වද්දමු” මිතුරු කැළට ද , පින් කැමති සියල්ලන්ට ද සියලු පින් සැප ප්‍රතිපදාවෙන් නිවරැදි පර්‍යාප්තියෙන් කෙටිම මගකින් උතුම් චතුරාර්‍ය සත්‍ය අවබෝධය පිණිසම මෙම සියලු පුණ්‍ය ධර්මයෝ හේතු උපකාර වේවා !
තෙරුවන් සරණයි !
” සසුන් කෙත අස්වද්දමු ” පින්කම් සඳහා ශ්‍රමයෙන් සම්බන්ධ වීම සඳහා..
අමතන්න ඉසුරු – 0715945477
එක් වන්න අප සමග…….
Web Site :- https:// www. sasunketha.org
Fb Page :- https://www.facebook.com/SasunKethaAswaddamu
Fb Group :- https://www.facebook.com/groups/1715908338447393
YouTube :- https://www.youtube.com/channel/UCkMxFfCWNYLe_hVYDKSObnw
Leave a Reply
Your email is safe with us.